هون لازم نفتح هلالين لنقول انو كلمة اسرائيل كنعانيي- فينيقيي، بتعني ع الارجح "اسرة ايل"، وهيي تسميي اطلقوا اللبنانيي القدما على نفسن من فجر التاريخ وقتبسوا عنن كل الشعوب المجاورا والمجتاحا ومنن العبران (والعبران فصيلي كنعانيي تبدونت نوعن ما لقربا للصحرا أو لإبتعادا مدّي طويلي عن تئسير لبنان).
ووردت هـ التسميي بنصوص أوغاريت وخصوصن بنصوص ايبلا. بتبقى قضيّة دمج ايل- اسرائيل ببرهيم الخليل. هيدي بيعتبروا العلما انا ع علاقا بقصة.
تضحية ايل- كرونوس بابنو الوحيد (اويحيد او يهود) كرمال خلاص شعبو متلما ورد عند سنخوني اتن. بس الاساطير اللي بتعمل من برهيم معاصر لنمرود- زرتوسترا ابن كوش بتدل ع انو برهيم عاش قبل الزمان اللي عينولو ياه شرّاح التوراه بكتير. ويمكن يكون عاش ببدايات الالف التالت. وهيدا هو رأينا. ونحن لمّحنا لهـ الشي بهـ الجريدي، بس بدونى ما نجزم فيه. ع كل حال لازم ننطر، للبت بهـ الموضوع، انو تننّشر نصوص ايبلا. هي يمكن تلقي نور كافي ع هـ المسألي. وقتا بيصير فينا نقول: انو من أول التمتمات بالوحدانيّي وبالتالوت لاغمق شي بيتدرّس بمشاهد اللاهوت اليوم، العالم مديون بأغلى الديون لايل لبنان.
البعل- هدد إبن خي الملك إيل الجبيلي وخليفتو
بدراسي من دراساتنا اللي ننشرت بجريدة "لبنان"، تعرّفنا ع شخصية ايولون اللي عتبرناه، إستنادن لنصوص سنخوني اتن وغيرو، ابن الملك ايل- كرونوس- ساتورن هليوس- ميترا اول ملك ع جبيل والعالم. وما تعرّضنا بهـ الدراسي، لبعل اوغاريت رغم انو بيحتل مركز من مراكز الصدارا بالملاحم الاوغاريتيي، وانو كتار من العلما دمجو بعل بأبولون، معتبرين انو كلمة "ابولون" منا الا تخريف لكلمة بعل. وبعدما تعمّقنا بدراسة هـ الإسمين الالهيين شفنا مناسب إنّا نعرض بعض استناجاتنا بخصوص البعل- هدد قبلما نتطرّق لدراسة شخصيتو ونشوف ازا كان لازم ندمجا أو لا بشخصيي تانيي.
أول شي بدّنا يعرفوه قرّاءنا هو انو معلوماتنا المتعلقا ببدايات التاريخ ما بتمكننا ولا بحال من الجزم بهـ الموضوع. كل اللي رح نعرضو لازم يعتبر نوع من الاقتراحات مش اكتر، ما عدا الأمور اللي منوردا مسنودي لنصوص صريحا. وعلمن منّا بإنّو نصوص ايبلا بتحتوي ع قصص ابطالنا، آلهة أول عصر لسعادة الناس واول عصور الارض الدهبيي، وخصوصن ع قصة رشف اللي يمكن يكون البعل-هدد، منتأمل انو تحل النصوص الإيبويي مش بس مشكلة البعل- هدد كمان مشاكل باقي الآلها.
بعد هـ التمهيد فينا نتعرّف عن قريب ع شخصية البعل- هدد، المعروف مرّات باسم البعل ومرات باسم هدد. منقول، بدايتن، انو زكر هـ الإله وارد بكل الميتولوجيات تقريبن: بمكتوبات إيبلا، بملاحم اوغاريت، بنصوص سنخوني اتن، بالتورا، وبنصوص ميزوبوتاميا، باساطير الإغريق والرومان، ولو بشكل محرّف وحتى بنصوص آسية الشرق الاقصى والاميركتين.
مينو البعل- هدد حسب الملاحم الاوغاريتيي؟
من هلّق تتوضّح معالم أبطال الملاحم الإيبلويي لازم نتعرّف ع البعض منن، وخصوصن ع البعل- هدد، ولنّو موقّتن، من خلال الملاحم الاوغاريتيي. سنخوني اتن ما بينزكرو إلا باسم هدد تيقول انو هو وعشتروت وجوبيتر دامرون حكمو العالم بموافقة ايل كرونوس. وهـ الشي، متلما رح نشوف، بيطابق تمامن اللي ورد عن البعل- هدد بملاحم أوغاريت: وبما انو البعل- هدد بيعتبر بعل الملاحم إبن داجون مش إبن إيل، منفضّل ما ندمجو بأبولون اللي ورد زكرو عند سنخوني اتن كواحد من ولاد ايل كرونوس محتفظين بإمكانية الرجوع لهـ الموضوع بكرا وادخال بعض التعديلات عليه، ع ضو نصوص إيبلا.
شي عن بي البعل داجون.
بيخبّرنا ملحمة البعل وعنت، اللي هي اهم الملاحم الاوغاريتيي، متلما قلنا، انو البعل هو ابن داجون. وما منشوف داجون شخصيّن ع مرسح الملاحم. منعرف انو نزكر مرات كتيري لمن نزكر ابنو البعل- هدد اللي بتسميه الملاحم مرّات البعل ابن داجون ومرّات ابن داجون. بس الملاحم ما بتقلنا شي عن شخصية داجون. وتنتعرّف عليه لازم نرجع لاهم مصادرو: سنخوني اتن والتورا. ولبببينما نتعرّف عليه عن قريب رح نكتفي هلق انو نقول انو داجون كان معروف بكل مناطق لبنان نقول: انو من أول التمتمات بالوحدانيّي وبالتالوت لاغمق شي بتدرّس بمساعد اللاهوت اليوم، العالم مديون بأغلى وأجمل الديون لايل لبنان.
الأربعاء 25 تموز 1979
